طبق اللحم محمر بمطيشة ولفروماج

السلام عليكم ورحمة الله تعالى وبركاته

 فكسكاس نوضعو الربيع فوقو بصلة كبيرة مقطعة دوائر نرشو من فوقها شوية الملح 

 نوضعو فوقها اللحيمات نرش من فوق شوية ملح ابزار زعتر وريقات موسى شوية ازيرنوضعو الكل فوق النار يتفور 

 ناخد مول اللي تيدخل لفرن نقطعو مطيشة دوائر نضيفو ليها شوية شرمولة مخلطة مع زيت لعود و معلقة صغيرة مطيشة لحك ندخلوه لفرن

 مين يتفور اللحم ندهنوه بالموطارد مخلط مع شوية الزبدة بلدية

 ندخلوه لفرن يتحمر فطبق نوضعو لبصلة فالوسط فوقها اللحيمات محمرين

 و فالجوانب دوائر مطيشة مع الزيتون نحك فوق اللحم فروماج احمر
ويقدم

بالصحة و الراحة 
ومانساوش لمريقة اللي تفور فيها اللحم نوضعوها فقوالب الثلج او مول الماضلين كيف عملت نغلفوه من الداخل بلبلاستيك الغذائي باش يسهل علينا قلب المرق نغلفو المول بالكامل بلبلاستيك الغذائي ندخلوه للمجمد ليلة كاملة نجمعوهم فبلاستيكة نوضعوهم فالمجمد نبقاو نستعملوهم فالشربة حريرة روز .......... و الصور توضح الطريقة

بصحتكم او راحتكم