mardi 4 juin 2013

رغيفات صغار مقليين فالزيت ممممممم

السلام عليكم ورحمة الله تعالى وبركاته
حاجتنا زلافة الدقيق شوية ملح معلقة كبيرة الزيت نجمع العجين بالماء الدافي ندلكوها مزيان حتى ترطاب نشكلوها كرة ندهنوها بشوية الزيت نوضعوها فبلاطو نغطي عليها ترتاح مزيان
 من بعد نطلقوها حت تولي رقيقة نحاولو متتقبش لينا لعجينة باش يجيونا رغيفات منفوخين  نطويها على 4 بحال لمسمنة وبين كل طوية نرش  الزيت  نغطي عليها مرة ثانية ترتاح باش دغيا تطلق لينا
 نطلقوها ونقطعوها مربعات صغار بالجرارة 
 نقليهم  فزيت سخون 
 نوضعوهم فصفاية يتسقطرو حتى نساليو 
نطفيوهم فالعسل الدافي نضيفو ليه شوية ماء الزهر 
 نضعم فطبق نرش فوقهم الزنجلان  ثم نقدمهم
بالصحة و الراحة

2 commentaires:

  1. ghadia njarrabhom w nrod 3likom lakhbar.chokran likom bazzzzaf

    RépondreSupprimer
  2. شكرا على الوصفة ام دعاء.وفقك الله

    RépondreSupprimer