mercredi 23 octobre 2013

طريقتي في الاحتفاظ باللحم فالمجمد (قطبان . مقيلة . روز......)

السلام عليكم ورحمة الله تعالى وبركاته
ناخدوهبرة اللحم نقطعوها مربعات نوضعوها فبانيو نضيف ليها ربيع مقطع سكين جبير كمون تحميرة شوية الملح ابزارليقامة اللحم
 نخلطو الكل مزيان
 ونفرقو اللحم فبلاستيكات نكرصوهم بيدينا و نستفوهم فبلاطوندخلوهم للمجمد بهاد الطريقة مين غادي يجمد اللحم غادي يجينا ساهل نجبدو لقياس اللي بغينا بكل سهولة
 هنا مين بغيت نوجد بيه قطبان جبدت قياسي من المجمد مين تطلق ضفت ليه شوية بصلة مشلظة معلقة كبيرة موطارد معلقة صغيرة صلصلة الصوجا اختيارية 
 نزيدو شوية تحميرة نخلطو الكل 
 و نديرو لقياس فكل قطيب
 نشويهم على 2 جهات 
 او للا نعملو ما بين كل قطعة لحم مربع فلفلة خضرا او بالالوان
 ونقدموهم على هاد الشكل مع مطيشة و لبصلة مشويين 
 او نشلظو بصلة نوضعوها فطاجين مع وريقات موسى شوية زيت لعود من تذبال 
 نضيف ليها طريفات اللحم مع شوية الزعتر التحميرة فص الثوم محكوك شوية ملح ابزار نغطي على اللحم يطيب 
 ثم نضيف مطيشة محكوكة مين يطيب الكل 
 نفقصو فوقهم لبيض ونقدمهم
نتمنى اطباقي تنال اعجابكم
بصحتكم او راحتكم
مرسلة بواسطة في

3 commentaires:

Inscription à : Publier les commentaires (Atom)