mardi 22 octobre 2013

طاجين اللحم بالبرقوق و المشماش و اللوز ايفيلي

السلام عليكم ورحمة الله تعالى وبركاته
ناخدو طريفات اللحم نغسلوهم مزيان نوضعوهم فطاجين نضيف ليهم ربيع وثوم (5 فصوص) مدقوقين شوية ملح خرقوم زعفران ابزار سكين جبير شوية ليقامة اللحم شوية زعفران شعرة نضيفو ليهم شوية الماء و نحاولو ندخلو شرمولة فاللحم 
 نوضعو الطاجين فوق المجمر يتقلاو لحيمات مزيان ويشربو شرمولة من بعد نضيف ليهم بصلة مشلظة و شوية زيت لعود نغطيو على الكل 
 مين تذبال لبصلة نضيفو بصلة كبيرة شرائح و نغطيو على الطاجين 
 هاذا شكله مين طاب و لمريقة عقدات
ناخدو اللوز ايفيلي نوضعوه فمقلاة مع شوية زيت لعود شوية ملح ابزار مع التحراك 
 مين يولي لونو اصفر نضيف ليه شوية المعدرنوس نحركوه شوية نزولوه من فوق النار 
 ثم نزين اللحم بالبرقوق و المشماش معسلين و اللوز ايفيلي 
ويقدم
بالصحة و الراحة 

Aucun commentaire:

Enregistrer un commentaire