mercredi 30 octobre 2013

قراشل او كريصات بالزرارع

السلام عليكم ورحمة الله تعالى وبركاته
حاجتنا 3 كيسان فورص ربع كاس الزيت كاس اللا ربع سنيدة معلقة كبيرة زنجلان معلقة صغيرة النافع معلقة صغيرة حبة حلاوة يكونو محمرين فلفران معلقة كبيرة حليب غبرة نص معلقة صغيرة خميرة الحلوى شوية خميرة الدار مذوبة فالماء دافي معلقة صغيرة الزبدة معلقة صغيرة ماء الزهر (او ساشي فاني )
نوضعو الكل فقصة نجمعو العجين بالماء دافي كيفما لاحظتو تكون لعجينة مرخوفة (الماء تقريبا كاس عنبة ) ثم نضيف في الاخير شوية الزبيب اختياري نحاولو ندخلوه فالعجين
ندهن العجين من فوق بشوية الزيت نغطيها بلبلاستيك الغذائي
من يتضاعف حجمها
نعملو منها كويرات نوضعوهم فطاوة غي يرتاحو شوية نكرصوهم بيدينا نغطيو عليهم بلبلاستيك الغذائي يخمرو مرة ثانية
ندهنوهم باصفر البيض مخلط مع نيسكافي نرشهم من فوق بالزنجلان نتكهم من الوسط بلفورشيط
ندخلوهم لفرن
هذا شكلهم مين طابو
ونقدمهم
بالصحة و الراحة

4 commentaires:

  1. ahlan bekhti mouna lah ye3tek se7a 3la legrisset kaychehiw daymen mteb3inik wakha men b3id :)

    RépondreSupprimer
  2. ربي يخليك اختي الهام بصحتك او راحتك
    اسعدني مرورك غاليتي

    RépondreSupprimer
  3. أنا نوض نعجنهم دابا نيت غير ماعندي النافع عندي شوية دحبة حلاوة . المهم هو المحاولة . أناراه كندير دوك لي بالزبيب ولا عندي معتمدين . نجرب هادو حتى هما. الله يعطيك الصحة وتبارك الله علبك أختي منى

    RépondreSupprimer
  4. ماشي مشكل استعملي غي الموجود ان شاء الله تجربيهم او ردي عليا لخبار
    بالصحة و الراحة

    RépondreSupprimer