طريقتي فتحضير لبرقوق يابس فاالبيت

السلام عليكم ورحمة الله تعالى وبركاته 

حاجتنا لبرقوق الطويل بعد ما نغسلوه مزيان و ينشف نوضعوه فطاوة 

 ندهنوه بقطيرة الزيت ندخلوه لفران على نار مهيلة ومرة مرة نقلبوه حتى يبان ليكم طلق الماء ديالو 

 من بعد نولوه من الطاوة اللي طلق فيها لعسل ديالو نوضعوه فطاوة او بلاطو نقي كل مرة نخرجوه للشميشة او مين تخبزو لخبز و يكون لفران سخون دخلوه لفران كل مرة 

 حتى يبان ليكم كرم 

 جمعوه فبلاستيكة و ضعوه فالمجمد لوقت الحاجة 
مين تبغيو تزينو بيه جبدولقياس ديالكم غسلوه وضعوه فكاسرول ضيفو ليه شوية الماء غليان وضعوه فوق النار 5 دقايق ضيفو ليه العسل او سنيدة شوية قرفة مين يتعسل ضيفو ليه قطيرات الماء الزهر بالصحة و الراحة

هنا زينت بيه اللحم مع السفرجل