mercredi 9 octobre 2013

طريقتي في تحضير لمروزية

السلام عليكم ورحمة الله تعالى وبركاته
 اولا ناخدو طريفات اللحم من الاحسن يكون يا اما من العنكرة او سلسول او من عظيمات لكتيفات او رجيلات حيت فيهم لملج تيجيو لذاذ انا خديت من لمريفقات و طريف من لعنكرة درت ليهم شرمولة اللي فيها ربيع و ثومة مدقوقين شوية ابزار شوية سكين جبير شوية خرقوم شوية زعفران حر شوية ملون شوية ملح معلقة من ليقامة لتنسيم اللحم هذا الرابط ديالها http://oumdouae.blogspot.com/2013/03/blog-post_9239.html  نخلط الكل ندخلوهم للثلاجة يباتو ليلة كاملة 
 نوضعو اللحيمات فطاجين فوق لمجمر(او فوق لبوطة) يتقلاو مزيان غي فشرمولة ديالهم من بعد نضيف ليهم شوية زيت لعود وبصلة كبيرة مشلظة  نغطيو عليهم حتى يطيبو
 ثم نضيف شوية زبيب نكونو مرطبينو قبل فالماء شوية لقرفة و 2 معالق كبار عسل حر نغطي عليهم مين يطيب الزبيب و تعقاد لمريقة نزولو الطويجين من فوق لمجمر ونقليو شوية اللوز يكون مفسخ من قبل نزين به لمروزية ونرش من فوق بشوية زنجلان


 نتمنى تجربوها اكيد غادي تعجبكم 
بصحتكم او راحتكم

2 commentaires:

  1. allah ye3tik assaha inchaa allah radi nejerbha

    RépondreSupprimer
  2. ان شاء الله جربيها وردي عليا لخبار
    بالصحة و الراحة

    RépondreSupprimer