خبز الهمبورغر معمر

السلام عليكم و رحمة الله تعالى و بركاته

العجين نحتاج زلافة فورص معيلقة ص زبدة معيلقة صغيرة زيت 

لعود معيلقة سنيدة شوية ملح شوية خميرة لخبز شوية ابزار 

زعتر محوك نص كاس صغير حليب نجمع العجين بلماء دافي 

ندلكوه مزيان ندير العجين فشي ايناء مدهون بشوية زيت لعود 

باش متلصقش لينا العجينة مين تخمر و ندهن وجهها بشوية 

الزيت نغطيها بلبلاستيك الغذائي

و نخليوها ساعة اللا ربع حتى تبان لينا خمرات

نشكلوها كورات صغار نديروهم فطاوة مدهونة بالزبدة مرشوشة بالطحين و نبسطوهم من الوجه نغطيو عليهم حتى يخمرو

من بعد ندهنهم بابيض البيض مخلط مع شوية الزبدة و نرشهم من فوق بزريعة الكتان

ندخلوهم الفران مين يطيبو

نخليوهم حتى يبردو عاد نفتحوهم بلموس هدا شكلهم من الداخل جاو خفاف

و نعمروهم بالحشوة اللي بغينا انا الحشو اللي استعملت درت بصلة شرائح مع وريقات موسى شوية زيت لعود مين دبالت زدت عليها شومبنيون مقطع و هبرة سرطان البحر شوية ملح ابزار غطيت عليهم مين طابو خليتهم على جنب

شديت خبيزة دهنتها بصلصة الكيتشب حطيت فوقها شوية من خليط البصل فوقهم شوية طون مع شوية زيتون مقطع فرومااج شرائح و الكاشير محكوك

انا متاكدة الى جربتوهم غادي يعجبوكم بصحتكم او راحتكم