vendredi 24 janvier 2014

كب كيك بدانيت الشوكولا

السلام عليكم ورحمة الله تعالى وبركاته
 حاجتنا بيضة نصف كاس سنيدة نصف كاس الزيت نصف كاس الحليب معلقة كبيرة دانيت الشوكولا (اي نصف دانيت 2 دراهم ونحتفظ بالنصف للتزيين )+ معلقة صغيرة شكلاط غبرة خمارة الحلوى كاس ونصف الفورص( لعبار بكاس لعنبة ) (هادو مقادير 6 لماضلين الى بغيتو كمية اكثر ضاعفو المقادير)
 نخلط كل مقادير نضيف في الاخير الخمارة + الدقيق  شوية بشوية 


نوزع الخليط فقوالب الخاصة بالماضلين ندخلوهم للفرن يكون سخون من قبل نقصو عليهم لعافية 
هذا شكلهم مين طابو 
التزيين نذوبو 5 مربعات شكلاط اسود على طريقة حمام مريم مع قطيرة الزيت نضيفهم لمعلقة كبيرة دانيت  ندهن وجه الماضلين ونزينهم بحبيبات الشكلاطة الملونة 
ونقدمهم لوليداتنا
بالصحة و الراحة 

10 commentaires:

  1. lah ya3tik sa7a an rah men lmo3jabat belwasafat dyalek. bghit na3raf wach yemken lina nesta3mlo danette choco ka7ochwa ya3ni yji felwast

    RépondreSupprimer
  2. ربي يخليك اختي شكرا لكلامك الطيب هذا شرف ليا تزوريني فمدونتي مرحبا بيك اختي فاي وقت
    بالنسبة لدانيت الى بغيتي تستعمليه كحشوة ضيفيليه شكلاط اسود مذوب باش يولي عاقد شوية و مين تخلطي عجين لماضلين كبي فكويغطات شوية شوية وضعي معيلقة من دانيت اللي خلطتي مع الشكلاط و غطيه بالعجين ودخليهم لفرن يطيبو وردي عليا لخبار
    الى حتاجيتي شي حاجة انا رهن الاشارة

    RépondreSupprimer
  3. lahla y5atik wchokrane bezzzzaaaf makayench nhar li makand5olch fih lsite dyalek bach nchouf ljadid ana ismi hanane

    RépondreSupprimer
  4. شكرا لكلامك الطيب اختي تشرفت بمعرفتك
    مرحبا بيك نورتي المدونة

    RépondreSupprimer
  5. allah ya3tik saha,ya okhti,gher wash momken ,na3mal vanille.shokran

    RépondreSupprimer
  6. ربي يخليك اختي شكرا
    الى كان عزيزعليك مذاق الفاني يمكن ليك ضيفي ساشي فاني ماشي مشكل
    بالصحة و الراحة

    RépondreSupprimer
  7. salam a khti ana ma3endich al kawalib al khassa lil madeline wach ila dert ri l kwirtate w htithom f tawa maydi3ch liya al khalit et merci
    amina kazouta

    RépondreSupprimer
  8. 3afak akhti jawbini merci

    RépondreSupprimer
  9. وعليكم السلام اختي
    الى ماكانوش عندك قوالب الماضلين يمكن ليك تاخدي 6 كيسان تقلبيهم تغلفيهم من قاعهم مزيان بورق الاليمنيوم وتبتيه عليه مزيان وتزولي الكيسان غاديا تحصلي على قوالب بورق الالمنيوم وضعي وسطهم لكويغطات وكبي فيهم الخليط ديالك حيت الى وضعتي الخليط فلكويغطات بلا قوالب غي غاديا دخليهم لفرن غادي يسيح ليك
    نتمنى اختي نكون فدتك
    بصحتك او راحتك

    RépondreSupprimer
  10. Merci akhti lahla yekhtik w allah yejazik bikhir

    RépondreSupprimer