mercredi 13 novembre 2013

كريصات ببطاطا

السلام عليكم ورحمة الله تعالى وبركاته
حاجتنا 2 بطاطات متوسطين مصلوقين ومطحونين كاس سنيدة كاس الحليب دافي  نص كاس الزيت خمارة شوية خميرة الخبز معلقة صغيرة الزبدة بيضة قشور ليمونة محكوكة للتنسيم
نوضعو الكل فسوبيرة ونبدا نضيفو الدقيق شوية بشوية (تقريبا 4 كيسان ونص )
تبقى العجينة مرخوفة نضيف ليها فالاخر حبيبات الشكلاط الملونة او الزبيب او الزرارع حسب الرغبة 
 نحاولو ندخلو لفرمسيل فالعجين ندهنو العجين من فوق بشوية الزيت نغطي عليها بلبلاستيك الغذائي
 مين يتضاعف حجمها
 ندهنو يدينا بشوية الزيت ونعملو منها كويرات صغار نوضعوهم فطاوة مدهونة بالزيت نغطيو عليهم يخمرو مرة ثانية
 ندهنوهم بالبيض مخلط مع شوية نيسكافي ومعيلقة صغيرة الحليب نرشهم من فوق بالزنجلان او اللوز مهرمش ندخلوهم لفرن يكون سخون من قبل نقصو عليهم لعافية
 هذا شكلهم مين طابو
بالصحة و الراحة

Aucun commentaire:

Enregistrer un commentaire