mardi 1 octobre 2013

شكيلات سهلة بلكوك ونستلي

السلام عليكم ورحمة الله تعالى وبركاته
حاجتنا 4 كيسان ونص كوك مطحون( لعبار بكاس لعنبة ) نضيف ليه زبيب مقطع شوية اللوز محمر بقشورو شوية كاوكاو مفسخ (مهرمشين) زلافة نستلي طريقة تحضيره في هاد الرابط http://oumdouae.blogspot.com/2013/09/blog-post_19.html
 استعملت كاس من كل حاجة 
 نخلط الكل حتى نحصل على عجين بلكوك ونستلي 
 الشكل الاول نبسط عجين الكوك فوق بلاستيكة بشكل طولي نوضعو فوقو فواكه معسلة كيفما موضح فالصورة 
 ثم نلف عليه البلاستيك ندخلوه للثلاجة ربع ساعة 
 نذوبو الشكلاط  الاسود على طريقة حمام مريم مع معيلقة الزيت نكبوه فوق حربل الكوك نخليوه يجمد
 من بعد نقلبوه 
 ونكبوه فوق الجهة الثانية 
 مين يجمد نقطعوه ونوضعوهم فكويغطات 
الشكل الثاني 
نطلقو عجينة الكوك فبلاطو مفرش بلبلاستيك الغذائي  نكبو فوقو الشكلاط الاسود مذوب 
 نبسطوه على العجين بالكامل نخليوه يجمد 
 من بعد نقلبوه الجهة الثانية 
نفس الطريقة نكبو فوقها الشكلاط الاسود ونضعو خطيطات بالشكلاط الابيض نبداو نشكلو بلكيردن غادين نحصلو على شكل ميل فوي 
 من يجمد الشكلاط تقطع مربعات نوضعوها فكويغطات
 الشكل 3 
نعملو من عجين الكوك كويراة
 نغمسوهم فالشكلاط الاسود المذاب نهزوهم بلكيردن
 نوضعوهم فكويغطات نرشوهم من فوق بلكوك 
 ثم نقدمهم فطبق 
نتمنى الاشكال ينالو اعجابكم بصحتكم او راحتكم او مبروك عواشركم

13 commentaires:

  1. merci akhti bezzaf w allah ye3tik assaha w merci hit lbititalab dyali allah yejazik bikhir

    RépondreSupprimer
  2. khti 3afak wach el makadir dyal nestle li f rabit raykherjou liya zlafa et merci

    RépondreSupprimer
  3. بالصحة و الراحة اختي مرحبا

    RépondreSupprimer
  4. باش تعطيك زلافة بحال اللي درت استعملي كاس عنبة نيدو كاس سنيدة كاس الماء الى بغيتي كمية كثيرة ضاعفي المقادير

    RépondreSupprimer
  5. merci lik bezzaf w samhi liya allah yekhlli lik bneytek

    RépondreSupprimer
  6. اللهم امين اختي ربي يخليك بالصحة و الراحة اختي مرحبا

    RépondreSupprimer
  7. 3afak akhti wach had al makadir yekdro yekhrejo liya al achkal betalata et merci

    RépondreSupprimer
  8. راهم تيخرجو غي طبسيل بحال اللي حاطة الى بغيتي ديريه منوع الى شفتي المقادير قليلة يمكن ليك ضاعفي المقادير او ديري غي شكل اللي عجبك بالصحة و الراحة

    RépondreSupprimer
  9. oui a khti brit nessewelek daba ana ila deret nefess al makadir li derti nti wach ykherjo liya al achkal betalata et merci

    RépondreSupprimer
  10. راهم تيخرجو غي طبسيل بحال اللي حاطة الى بغيتي ديريه منوع الى شفتي المقادير قليلة يمكن ليك ضاعفي المقادير او ديري غي شكل اللي عجبك بالصحة و الراحة

    RépondreSupprimer
  11. انا تندخل هاد الوقع وتتنتعلم منو بزاف ولهاشي كان ضروري انني نقوليك جزاك الله خيرا وجعله في ميزان حسناتك

    RépondreSupprimer
  12. ربي يخليك اختي هذا شرف ليا تزوريني فمدونتي بصحتك او راحتك
    اللهم امين شكرا لكلامك الطيب

    RépondreSupprimer
  13. hadak chekel loul ja tbark Allah fhal sushi....allah ye3tik saha akhti

    RépondreSupprimer