jeudi 12 septembre 2013

صابلي بريستيج

السلام عليكم ورحمة الله تعالى وبركاته
حاجتنا رابعة الزبدة لذة صفر بيضة كاس السكر الصقيل ساشي فاني ساشي نيدو 
الدقيق حسب الخليط
نطلقو العجين بين 2 بلاستيكات وتقطع بمرشم حسب الرغبة نستفو الصابلي فطاوة ندخلوه للفرن 
هادا شكله مين طاب 
لتحضير عجينة الكليكوز
غادين نحتاجو نصف بكية شكلاط ابيض من النوع الممتاز نوضعوه فكاسرول  يذوب على طريقة حمام مريم 


مين يذوب الشكلاط نضيفو ليه نصف كيلو السكر الصقيل منقوص منو كاس العنبة اللي استعملناه قبل فعجين صابلي  نضيف ليهم 2 معالق كبار لكليكوز

نخلط الكل حتى نحصل على عجين لين نوضعوه فبلاستيكة ندخلوه للثلاجة يبات ليلة كاملة 
من بعد ما نجبدوه من الثلاجة نقسمو منو شوية نطلقوه بيدينا الى كان لحال سخون دغيا تيتطلق الى جاكم قصاح وضعوه فكاسرول على طريقة حمام مريم غي يتطلق شوية بداو تخدموه بيديكم حتى يرطاب نوضعوه بين 2 بلاستيكات او فوق سطح مرشوش بالسكر الصقيل نقطعوه بنفس المرشم اللي قطعنا بيه صابلي 
ندهن الصابلي بالعسل 
نلصقو فوقو عجين الشكلاط
ناخد من العجين نلونها باللون الوردي (بودرة) بواسطة مرشم نقطع نجمات
نلصق النجمة بشوية العسل نوضعو وسطها عقيقة فضية ندهنها بشوية بريو 
ثم نقدمه
بالصحة و الراحة

18 commentaires:

  1. تبارك الله عليك أختي منى، غير بغيت نسولك هادك الساشي دنيدو شحال فيه تقريبا حيث هنا عندنا غير الحك الكبير ، وحاجة أخرى أشناهو الكليكوز ؟ واش يمكن نستغنى عليه ؟ وشكرا بزاف على الوصفة والله يخلي ليك دوك اليديات

    RépondreSupprimer
  2. الله يبارك فيك اختي فاطمة الزهراء ربي يخليك
    بالنسبة ساشي نيدو عبري كاس قريب لعمارة( لعبار بكاس العنبة) و عسل لكليكوز هو نوع من السكر تيتباع فطاسة بحال الناباج الى ماكانش عندك يمكن ليك تعوضيه بالعسل الابيض تهلاي فراسك اختي بوسي ليا هاجر

    RépondreSupprimer
  3. salam akhti allah ye3tik assaha
    3afak akhti sachet dyal nido chhal mn gramme w 3afak el klikoze achnahowa

    RépondreSupprimer
  4. وعليكم السلام اختي راني جاوبت الاخت ام هاجر على هاد السؤال نيت
    بالنسبة ساشي نيدو عبري كاس قريب لعمارة( لعبار بكاس العنبة) و عسل لكليكوز هو نوع من السكر تيتباع فطاسة بحال الناباج الى ماكانش عندك يمكن ليك تعوضيه بالعسل الابيض
    بالصحة و الراحة

    RépondreSupprimer
  5. 3afak rah 3refet wach sede3tek wa lakine brit ri ne3ref wach taytba3f marjane el klikoze
    w 3afak kifache al 3assal al abiad
    merci w samhi liya bezzaf

    RépondreSupprimer
  6. الدنيا هانية اختي مرحبا انا كنت خديتو غي من عند اللي تيبيعو المواد لغذائيةدابا نحط ليكم صورتو باش تعرفيه مين تبغي تاخديه

    RépondreSupprimer
  7. wakha akhti w merci bezzaf
    allah yejazik bikhir

    RépondreSupprimer
  8. ربي يخليك اختي نورتي موقعي

    RépondreSupprimer
  9. salam khti chhal choklat bdabt lbakia ma3rftch chhal fiha jawbini 3afak

    RépondreSupprimer
  10. وعليكم السلام اختي استعملي نصف كيلو الشكلاط الابيض مين تجربيها ردي عليا لخبار بالصحة و الراحة

    RépondreSupprimer
  11. 3afak 9olilna chmn chokolat katsta3ml chmn naw3

    RépondreSupprimer
  12. ستعملي اللي مكتوبة فباكيتو 5 على 5 هو لمزيان

    RépondreSupprimer
  13. شنو ممكن نستعملو كبديل للكليكوز

    RépondreSupprimer
  14. لى ماكانش عندك يمكن ليك تعوضيه بالعسل الابيض
    بالصحة و الراحة

    RépondreSupprimer
  15. اشنو الدور ديال الكليكوز فهاد الوصفة وشكرا بزاف الله يسهل عليك ويعطيك ما تمنت

    RépondreSupprimer
  16. الدور لكليكوز هو اللي تيرطب عجين الشكلاط
    مرحبا

    RépondreSupprimer
  17. شكرا بزاف ودائما متالقة ومبدعة بوصفاتك الجميلة

    RépondreSupprimer