السلام عليكم ورحمة الله تعالى وبركاته
العجين غادين نحتاجو زلافة مخلطة بدقيق القمح ولفورص شوية الملح شوية خميرة الخبز معلقة كبيرة زيت لعود معلقة صغيرة لموطارد شوية الزعتر نجمع العجين بالماء الدافي ندلكوها مزيان حتى ترطاب ندهنوها بشوية الزيت نغطيو عليها ترتاح
من بعد نطلقوها فمول دائري مدهون بالزبدة مرشوش بدقيق القمح نتكوها بلفورشيط
ندهنوها من فوق بصلصة الطماطم منسمة بالزعتر
ثم نرش فوقها بصلة مشلظة بعد ما شحرناها فشوية زيت لعود مع وريقات موسى ملح ابزار
ثم نستفو سمك السردين من الاحسن يكون صغير يكون مرقد قبل فعصير الحامض مع شوية ملح ابزار كمون نرش فوقه شوية الزعتر ندخلوه لفرن
مين طيب نحك فوقها فروماج احمر نوليو نرجعوها لفرن غي يذوب لفروماج نخرجوها وتقدم
بالصحة و الراحة
Aucun commentaire:
Enregistrer un commentaire