دسير طبقات بلفلان و لبيسكوي

السلام عليكم ورحمة الله تعالى وبركاته

بالنسبة لهاد الدسير السهل استعملت اطار صغير الى بغيتو كمية كثير ضاعفو المقادير 
حاجتنا كاس ونص الحليب ساشي فلان بنكهة المانج يمكن ليكم تستعملو اي نكهة بغيتو و معلقة كبيرة سنيدة حسب الذوق نوضعو الكل فكاسرول فوق النار مين يغلى نحيدوه من فوق العافية ويبرد شوية 

 ناخد اطار نغلفو من لتحت بورق الالمنيوم و نطلعو جوانب الورق ونثبتوه مزيان على الاطار باش مين نوضعو لفلان ميهبطش من لتحت نوضعو لفلان  مين يقرب يجمد ندخلو وسطو البيسكوي (اي بيسكوي متوفر عندكم فالبيت ) باش يثبت البيسكوي مع لفلان حيث مين غادي نكب الطبقة الثانية لفلان لبيسكوي ميطلعش كامل لفوق ونخليوه يجمد مزيان

من بعد نوجدو الطبقة الثانية استعملت فلان فريز نفس الطريقة مين يغلي ويبرد شوية 

 نكبوه فوق الطبقة الاولى و نضيف لبيسكوي ندخلوه للثلاجو يبرد مزيان

 هذا شكله مين جمد وزولت الاطار

 ثم نقطعه باطار دائري صغير

 هذا شكله من الاسفل

 ثم نضعهم فكويغطات الخاصين بالماضلين

 نزينهم من فوق بقطع الخوخ ندهنوهم من فوق بشوية الناباج للمعان

 ثم نقدمهم فاطباق فردية 

بالصحة و الراحة