بريوات بلكفتة و الروز

السلام عليكم ورحمة الله تعالى وبركاته

بالنسبة للحشو نشلظو بصلة نوضعوها فمقلاة مع وريقات موسى شوية زيت لعود  نغطيو عليها مين تذبال نضيف ليها كفتة معلقة كبيرة مطيشة لحك ربيع مقطع شوية ملح ابزار خرقوم توابل الكفتة نغطيو على الكل 

مين يطيب الخليط  ويبرد

 نضيف الروز كلاصي مصلوق قبل ومسقطر

طريقة تحضير ورقة البسطيلة في هذا الرابطhttp://oumdouae.blogspot.com/2013/07/blog-post_9799.html  
ناخد ورقة البسطيلة انا استعملت 2 ورقات صغار ثنيتهم من الجوانب و لصقت بيناتهم بخليط الماء مع الدقيق وضعت الحشو فاول الشريط

وبديت نتني الورقة على الحشو مرة للفوق

مرة لتحت نلصق اخر الشريط بخليط لماء مع الدقيق

في الاخير غادين نحصلو على هذا الشكل

نقليهم فزيت سخون ونوضعوهم  فوق ورق النشاف يتسقطرو من الزيت

ثم نقدمهم

بالصحة و الراحة