مورقات شكل وردة بحشوة مالحة

السلام عليكم ورحمة الله تعالى وبركاته

 حاجتنا العجين المورق طريقة تحضيره في هذا الرابط   http://oumdouae.blogspot.com/2013/03/blog-post_2.html
نقطعو العجين المورق مربعات بالجرارة

 ناخدو كل مربع نثبتوه فمول خاص بالماضلين ليعطينا شكل وردة  ندخلوهم لفرن يطيبو خاص تكون لعافية مجهدة شوية باش يتنفخو

 هذا شكلهم من طابو من لتحت تيجيو مجموعين ولفوق مفتحين 

 نحاولو نحفروهم من لوسط

 هذا شكلهم من الداخل تيجيو مورقين وهشاش 

 الحشوة حسب الرغبة  ونعمروهم حتى نبغيو نقدموهم 
استعملت بصلة مشحرة مع شوية الزيت و ملح ابزار وفلفلة مشوية مشحرة فشوية الزيت ملح ابزار يكوونو مسقطرين من الزيت نوضعوهم  كطبقة اولى 

 ضفت من فوق طون بصلصة الطماطم

 ثم لفروماج محكوك ندخلوهم لفران غي يذوب لفروماج نخرجوهم

ثم نقدمهم

بالصحة و الراحة