محينشات بالخضر و الطون

السلام عليكم ورحمة الله تعالى وبركاته

 فمقلاة نشلظو بصلة نضيف ليها شوية زيت لعود نوضعوها فوق نارمهيلة نغطيوعليها مين تذبال نضيف ليها خيزو قرعة خضرا محكوكين ربيع مقطع شوية ابزار سكين جبير ملح تحميرة كمون

 مين يطيب الخليط نضيف ليه الطون مع الزيتون مقطع نوضعوه على جنب يبرد مزيان 

 العجين نحتاج فورص دقيق القمح شوية خميرة لخبز ملح الماء الدافي لجمع العجين ندلكوها مزيان نشكلو من العجين كرات نحربلوهم شوية بيدينا ندهنوهم بشوية الزيت نغطيو عليهم يرتاحو
من بعد 

 ناخد الحربل الاول نحاولو نطلقوها بيدينا مزيان كيفما موضح فالصورة نوضعو لعمارة فاول الشريط ندهنو العجين بالزبدة مخلطة مع الزيت نرشو بدقيق القمح 

 ثم نلوي و الصور توضح

 نفس الطريقة لباقي العجين 
نوضعوهم فطاوة مدهونة بالزبدة مرشوشة بدقيق القمح او فورص نغطيو عليهم يرتاحو نص ساعة من بعد ندهنوهم باصفر البيض مخلط مع شوية نيسكافي وقطيرات الخل نرش من فوق بالسانوج ندخلوهم لفران يكون سخون من قبل 

ثم نقدمهم 

بالصحة و الراحة