السلام عليكم ورحمة الله تعالى وبركاته
حاجتنا لحوت
استعملت كلمار اخطبوط هبرة لكوربين مقطعين ضفت ليهم شوية زيت لعود وريقة موسى قبيصة ملح ابزار نغطيو عليهم يتشحرو
نوجدو شرمولة ( ربيع ثومة زعتر مدقوقين شوية ملح ابزار سكين جبير خرقوم كمون حامضة صغيرة معصرة وربع حامضة مصيرة مقطعة طريفات صغار)
نصف شرمولة نضيفوها لحوت مع معلقة كبيرة صلصة الصوجا
و النصف الاخر نضيفوها للشعرية الصينية من بعد ما رطبناها فالماء غليان وقطعناها نضيف ليها مطيشة محكوكة 2 معالق صغار مطيشة لحك زيتون مقطع معلقة كبيرة صلصة الصوجا نوضعو الكل فوق نار مهيلة مع التحراك حتى تنسجم كل العناصر مع بعضياتها
ها الحوت ديالنا واجد
نضيف لخليط الشعرية الصينية فروماج احمر
فمول اللي تيدخل لفرن نفرش ورقة البسطيلة نلاصقو بين كل ورقة بخليط الدقيق مع الماء باش متحلش
نقسمو خليط الشعرية الصينية على 2
نوضعو النصف الاول كطبقة اولى
نوضعو فوقو لحوت
ثم النصف الثاني
نغطي لبسيطلة بالورقة ندهنو وجهها بالزبدة ندخلوها لفران
وتقدم على هاذ الشكل
بالصحة و الراحة
استعملت كلمار اخطبوط هبرة لكوربين مقطعين ضفت ليهم شوية زيت لعود وريقة موسى قبيصة ملح ابزار نغطيو عليهم يتشحرو
نصف شرمولة نضيفوها لحوت مع معلقة كبيرة صلصة الصوجا
نوضعو النصف الاول كطبقة اولى
Aucun commentaire:
Enregistrer un commentaire