mardi 7 mai 2013

ملوي مورق بطريقة سريعة

السلام عليكم ورحمة الله تعالى وبركاته

حاجتنا لفورص دقيق القمح لقياس الكافي شوية ملح شوية خميرة الخبز الماء دافي لجمع العجين ندلكوها مزيان  حتى ترطاب نحربلو العجينة ندهنوهاا بشوية زيت لعود ونلفوها فبلاستيك غذائي ترتاح 
 من بعد  ما ترتاح
نطلقوها شوية بيدينا او نبداو نكرصوها من لقدام حتى ترقاق كيفما موضح فالصورة ندهنو بشوية الزيت مخلط مع الزبدة ونرشو بدقيق القمح او السميد مخلط مع شوية خميرة الحلوى باش تيجي لملوي مورق 
 او نبداو نلويو 

 مين نساليو نقطعوها بلموس غادي تخرج لينا مليويات صغار بطريقة سريعة
 نوضعوهم فبلاطو نغطي عليهم بلبلاستيك الغذائي يرتاحو مزيان باش دغيا يطلقو لينا 
 من بعد ما نطلقوهم نخبزوهم فمقلاة على 2 جهات ومين نكونو نخبزو ديما ندهنوهم بشوية الزبدة  باش يجيو محمرين 
بالصحة و الراحة

2 commentaires:

  1. salam. bghit na3raf ghir wach had lmeloui kayji chwiya menfoukh awla mda9as

    RépondreSupprimer
  2. وعليكم السلام اختي نتمنى تجربيه راه تيجي سهل وفنفس الوقت مورق
    بالصحة و الراحة

    RépondreSupprimer