شعرية سفة بصدر الدجاج

السلام عليكم ورحمة الله تعالى وبركاته

فكوكوط نوضعو بصلة مقطعة مربعات صدر الدجاج مقطع مربعات 2 فصوص الثومة محكوكة ربيع مقطع شوية ملح خرقوم ابزار سكين جبير زعفران شوية زعفران شعرة شوية تحميرة نص كاس الزيت نوضعو الكل فوق النار 

 مين تذبال لبصلة ويتقلى الدجاج نمرق بالماء الكافي منكتروش حيت لبصلة تتطلق لما ديالها ونضيفو 2 بصلات مقطعين شرائح نسدو عليهم يطيبو 

 مين يطيب المرق نضيف في الاخير شوية القرفة نوضعو لكوكوط فوق النار حتى تعقاد لمريقة

 طريقة تحضير شعرية سفة في هذا الرابط http://oumdouae.blogspot.com/2013/03/blog-post_8942.html
مين تفور الشعرية مع الزبيب  التفويرة الاخيرة نوضعوها فقصعة 

 نفكوها بيدينا 

 فطبق التقديم ناخد اطار دائري نوضعو الشعرية كطبقة اولى فوقها خليط البصل و الدجاج 

 ثم نغطيو بالشعرية 

 وفالجوانب نوضعو الشعرية فاطار صغير باش  يعطينا شكل وردة

 نوضعو شوية من خليط البصل مع الدجاج الوسط ثم نرش فالجوانب اللوز مع الاكاجو مهرمشين ونقدمها

 هنا رافقتها مع شوية المرق اللي بقا لينا 

بالصحة و الراحة