mardi 23 avril 2013

طارطة باردة طبقات

السلام عليكم ورحمة الله تعالى وبركاته
مقادير الكيك : 2 بيضات ياغورت صغير ديال درهم كاس قريب لعمارة سنيدة كاس قريب لعمارة زيت خمارة ساشي فاني 2 معالق كبار كاوبيل كاس ونص  فورص 
 فمولينكس نوضعو البيض ياغورت الزيت سنيدة فاني  نطحن الكل ثم نوضعو الخليط فايناء نضيف الخمارة مع كاوبيل ثم الدقيق شوية بشوية نوضعو الخليط فمول لقراصة مدهون بالزبدة مرشوش بالدقيق ندخلوه لفرن يكون سخون من قبل نقصو لعافية 
هذا شكلها مين طابت 
 الطبقة الثانية : 3 بيرلي ساشي صغير نيدو
 نخلط لكل فايناء نضعه كطبقة فوق لكيك ندخلوه لفرن تكون لعافية فوقو غي يجمد الياغورت نخرجو لمول 
 هذا شكله 
 الطبقة الثالثة : 2 فلان شكلاط معلقة كبيرة كاوبيل معلقة صغيرة نيسكافي 2 معالق كبار سنيدة 
 فايناء نخلط سنيدة مع لفلان وكاوبيل وسنيدة نضيفهم  ل3 كيسان عنبة الماء نوضعوهم  فكاسرول فوق النار وحنا تنحركو حتى مبقاوش باينين كويرات 
 مين يغلي لفلان نحيدوه من فوق النار نخليوه  يدفا شوية 
 نكبوه فوق الطبقة البيضاء 
 ندخل طارطة للثلاجة غي يبدا يشد لفلان راسو نحكو فوقها الشكلاط نوليو نرجعوها للثلاجة تجمد مزيان او تبات ليلة كاملة كلما بردات كلما تتجي زوينة وتقدم 
بالصحة و الراحة 

7 commentaires:

  1. saraha rezala walkin fiha el 5edema
    lah ye selma dak el didat alhbiba
    om ramzi y riad .......

    RépondreSupprimer
  2. واخا فيها لخدمة راه تتجي زونية فالمذاق ههه
    ربي يخليك اختي نادية شكرا نورتي موقعي

    RépondreSupprimer
  3. bghit na3raf wach melli tib lkika n7aydoha mel lmoul 3ad nzido liha perly wl flan awla nkhaliwha felmoul 7it ila b9at 7ta nkamlo lé étapes kolhom maghadich n9adro njebdoha

    RépondreSupprimer
  4. السلام عليكم اختي مين طيب لكيكة غي خليها فلمول ديالها تلقراصة و صايبي الطبقة الثانية بدانون بيرلي و كبيها فوقها دخليها لفران تكون لعافية فوق الطبقة الثانية مين يبان ليك جمد دانون خرجيها وجدي الطبقة الثالثة لفلان مين يدفا وتكوني تتكبي لفلان فوق الطبقة 2 عرضي معلقة كبيرة لتحت ونتي تتكبي باش متحفرش ليك بلاصة لكريمة نتمنى تكوني فهمتي لفكرة كيفاش دخليها للثلاجة غي يبدا يشد لفلان راسو خرجيها حكي فوقها الشكلاط باش يشد فيها هادشي الي بغيتي ديري فوقها شكلاط محكوك يمكن ليك ضيفي معاه كركاع ولوز مهرمش اما الى بغيتي ديري فوقها غي خطيطات الشكلاط الابي او الاسود خليها حتى تجمد مزيان وزينيها بيهم من فوق
    وراه مين تتجمد تتحيد بسهولة من هاداك المول و حطيها فطبق بدائرة لتحتانية لمول اللي طابت فيه الى بغيتي قدميها هاكاك مجموعة او للا مقطعة ومقدمة فكويغطات فانتي لكي الاختيار
    نتمنى اختي نكون فدتك
    بصحتك او راحتك

    RépondreSupprimer
  5. merci khti 3la tawdi7 wlahla ykhatik

    RépondreSupprimer
  6. Ce commentaire a été supprimé par l'auteur.

    RépondreSupprimer