السلام عليكم ورحمة الله تعالى وبركاته
بالنسبة للعجين غادين نحتاجو زلافة لفورص معلقة كبيرة ونص زيت لعود معلقة كبيرة نيدو الى ماكانش يمكن لينا نعوضوه بنص كاس حليب دافي معلقة صغيرة موطارد شوية ملح نص معيلقة صغيرة سنيدة نص معيلقة تحميرة شوية زعتر محكوك شوية خميرة لخبز الماء الدافي لجمع العجين
مين تجمع العجين ندهنوها بشوية زيت لعود نوضعوها فبلاستيكة نغطي عليها تخمر
نطلقها بالدلاك فوق سطح مرشوش بالدقيق نضع العجين فطاوة مدهونة بالزبدة مرشوشة بالدقيق نتكوها بلفورشيط ندخلوها لفران يكون سخون من قبل نقصو عليها لعافية طيب نص طيبة
الى شاطت ليكم العجينة يمكن ليكم تقطعوها دوائر صغار( بيتزات فرديين) طيبوهم نص طيبة وتحتافظو بيهم فالمجمد لوقت الحاجة
غي تصفار نخرجوها نوضعوها فوق منديل باش مترخاش
بالنسبة للعمارة غادين نقطعو بصلة كبيرة نوضعوها فمقلاة مع شوية زيت لعود 2 وريقات موسى
مين تذبال لبصلة نضيف ليها هبرة سمك لكوربين شوية بوزروك كلمار مقطع رقيق نص ضامة كنور السمك شوية ملح ابزار شوية زعتر محكوك نغطي على الكل
هنا مين طاب لينا خليط لبصل مع السمك وجبنة فييتا يمكن ليكم تستعملو اي جبنة متوفرة عندكم فالبيت وصلصة الطماطم ضفت ليها شوية لكيتشب
ندهن العجين بصلصة الطماطم نوضعو فوقها طريفات الجبن
ثم خليط البصل مع السمك نحك من فوق بشوية الزعتر ندخلها لفرن
هذا شكلها مين طابت
نحك فوقها فروماج احمر نرجعوها لفرن غي يذوب لفروماج نخرجوها
ثم تقدم
بالصحة و الراحة
الى شاطت ليكم العجينة يمكن ليكم تقطعوها دوائر صغار( بيتزات فرديين) طيبوهم نص طيبة وتحتافظو بيهم فالمجمد لوقت الحاجة
Aucun commentaire:
Enregistrer un commentaire