lundi 22 avril 2013

طارطة بعجينة المارشميلو

السلام عليكم ورحمة الله تعالى و بركاته 
حاجتنا 2  جينواز استعلمت نفس مقادير الجنواز البيضاء الموجودة في الرابط 
http://oumdouae.blogspot.com/2013/03/blog-post_9774.html

نوضعو الخليط فمول مفرش بورق المطبخ ندخله للفرن يكون سخون من قبل نقصو لعافية 
نفس الطريقة الجنواز الثانية 
هذا شكلهم مين طابو نخليوهم يبردو مزيان 
من بعد نوجدو السيرو كاس عصير البرتقال نص كاس سنيدة قطيرات الحامض نوضعوهم فكاسرول فوق النار حتى يغلي مين يبرد ناخدو الجنواز الاولى نقسمها على 2 
نسقي النصف الاول بالسيرو 
ندهنوها بطبقة من لكريم فريش من بعد ما طربناها مزيان نرش من فوق قطع لفريزاو اي فاكهة متوفرة( انناص كيوي خوخ معلب)
ثم نضع القطعة الثانية نسقيها بالسيرو نضع طبقة لكريم فريش نرش قطع لفريز فالوسط
نقسم الجنواز الثانية على 2   كيفما موضح فالصورة
 نضع النصف الاول فوق قطع لفريز نسقيه بالسيرو 
 نرش بقطع لفريز
 نضع القطعة الثانية نسقيها ثم تغطى بلكامل بلكريم ندخلوها للثلاجة تبرد 
 ندهن ايناء بشوية الزيت نوضعو فيه نص بكية حلوى المارشميلو انا استعملت الملونة  نضيف ليها 2 معالق الماء نوضعوها ذوب على طريقة حمام مريم 
 مرة مرة نحركوها حتى تبان لينا ذابت 
 او نبداو نضيف ليها السكر الصقيل المزيان وحنا نحاولو نجمعوها بمعيلقة خشبية مين تبان لينا بدات تجمع ندهنو يدينا بشوية  الزيت نوضعوها فوق طابلة مرشوشة بالسكر كلاصي ونبداو نعجنوها حتى تجمع 
 نلونوها حسب الرغبة نجبدو لاطارط من الثلاجة نطلقو عجين المارشميلو فوق سطح مرشوش بالسكر الصقيل او بين 2 بلاستيكات او نبداو نطلقوها بلمدلك ونغلفو بيها الطارطة بالنسبة للوريدات مين تبغيو تبتوهم فوق العجين دهنوهم بشوية لكريم باش يلصقو نتمنى يكون الشرح وصلكم
ملاحظة : الى قصاحت عجينة المارشميلو وليو رجعوها تطلق على طريقة حمام مريم
ثم تقدم
بالصحة و الراحة

2 commentaires:

  1. akhti had l3jina kont 3mlta walayni hlkaaaaaaaaaaaaaaaaatni fyeddi

    RépondreSupprimer
  2. ضروري مين تبغي تعجنيها او تشكليها دهني يدين بالزيت باش ما تلصقش راه خصها شوية الخاطر

    RépondreSupprimer