السلام عليكم و رحمة الله تعالى و بركاته
اولا ناخدو 2 بطاطات نقليوهم فزيت نضيف ليهم طون مصفي
من الزيت زيتون مقطع بصلة مشلظة فلفلة خضرا مقطعة
مربعات صغار ربيع مقطع ملح ابزار كمون تحميرة شوية عطرية
لكفتة
نضيف 2 بيضات نخلط لكل
فمقلاة نوضعو معيلقة زيت مين يسخن نكبو الخليط نقصو
لعافية مين طيب على الجهة الاولى نقلبها على الجهة الثانية
طيب
ناخدو هبرة لحوت الابيض نوضعوها بين 2 بلاستيكات ندلكوها
شوية من لفوق بلمدلك
هاهوما مين طلقتهم
ناخدو لبلاستيك الغذائي نبسط من فوقو هبرة الحوت نبلها من
فوق بلملح وابزار وعصير الحامض
ثم نحطو من فوقو 2 مربعات فروماج سندويش وزيتون مقطع
نلويو هبرة لحوت فلبلاستيك الغذائي ثم نعقده من الجوانب
نديروه يفور فلكسكاس من بعد يقطع مثل لفقاص نضعهم
فطاوة ندهنوهم من فوق بشوية لخردل ندخلهم لفرن
فطبق نفرش لمعدنوس نضع طورطية الخضر فلجوانب هبرة
لحوت بلفروماج و الزيتون نزين بلحامض و لفروماج
نعمل من فوق خطوط بصلصة لكيتشوب ويقدم
بالصحة و الراحة
Aucun commentaire:
Enregistrer un commentaire