روز بالكفتة بطريقة رائعة

السلام عليكم ورحمة الله تعالى وبركاته

ناخدو الروز نوضعوه فايناء نكبو عليه الماء دافي نخليوه يرطاب ربع ساعة  من بعد نديروه يتسقطر

 نوضعوه فكاسرول نضيف ليه شوية بسيبيسة قعقلة شوية ملح 3 معالق كبارالزيت 

  نضيف للروزالماء ( كاس الروز = 2 كيسان الماء ) نوضعو لكاسرول فوق نار مهيلة حتى ينشف من الماء

 نوجدو صلصة الطماطم بلكفتة 
هنا كانت عندي الصلصة موجودة ( مطيشة مقطعة على 4 بقشورها لقياس الكافي نضيف ليها شوية زيت لعود شوية ملح نسد عليها لكوكوط نوضعوها فوق نارمهيلة مين تبدا تصفر نحسبو ليها ربع ساعة  نطفي عليها مين تبرد نطحنوها فمولينكس ونصفيوها فصفاية وها الصلصة ديالنا واجدة  الى ماكانتش عندكم موجودة يمكن ليكم غي تحكو مطيشة ) نضيف ليها زيت لعود ربيع مقطع 2 فصوص الثوم محكوكين شوية ابزار ملح كمون سكين جبير نغطي على الصلصة 

نضيف للكفتة بصيلة صغيرة مشلظة شوية عطرية لكفتة شوية ملح كمون سكين جبير ابزارربيع مقطع نخلط الكل 

نعملو منها كرات

مين تقرب طيب الصلصة نضيف ليها كراة لكفتة نغطيو عليهم حتى يطيبو

ها الصلصة ديالنا وجدات

وها الروز ديالنا طاب نشف من الماء وكيفما شفتو جا مفرك كل حبة بوحدها 

 المرحلة النهائية 
نوضعو الروز كطبقة اولى فطبق 

  نوضعو فوقو صلصة الطماطم مع لكفتة

 نحكو فوقو فروماج احمر ويقدم

بالصحة و الراحة