شوارما الدجاج

السلام عليكم و رحمة الله تعالى و بركاته

مقادير و طريقة تحضير عجينة البطبوط في هذا الرابط http://oumdouae.blogspot.com/2013/07/blog-post_5.html
بالنسبة الحشو ناخدو صدر الدجاج نقطعوه شرائح رقاق

نوجدو الصلصة شوية ملح ابزار معلقة صغيرة موطارد 2 فصوص ثوم محكوكين معلقة كبيرة خل طريف الحامض مصير مقطع رقيق شوية قعقلة 3 حبات قرنفل مدقوقين شوية من بودرة قزبر يابس شوية كوزة محكوكة

نوضعو شرائح الدجاج فالصلصة و نخلطو مزيان نضيف ليهم وريقات موسى ندخلوهم للثلاجة مدة 3 ساعات

من بعد نوضعوهم فمقلاة نضيف ليهم شوية زيت لعود نغطيو عليهم حتى يطيبو

مين يطيبو نضيف ليهم 2 فروماجات مثلثين نخلط الكل

هادي لعمارة صدر الدجاج اللي وجدنا خص شرائح مطيشة متبلة بشوية ملح زيتون مقطع رقيق

نفتح لبطبوط بلموس نضع الخص فوقو مطيشة ثم الدجاج و الزيتون و يقدم فطبق

بالصحة و الراحة