السلام عليكم ورحمة الله تعالى وبركاته
فقصعة نوضعو لفورص نفس لقياس دقيق القمح (فينو) شوية ملح خميرة الخبز
الماء الدافي للعجن نعجنها مزيان حتى تولي رطبة نشكل من العجين 2 كرات
وحدة اكبر من الثانية نوضعوهم فبلاطو مفرش بلبلاستيك الغذائي ندهنوهم
بشوية الزيت نغطيو عليهم حتى يرتاحو مزيان
الحشو حسب الرغبة شلظت بصلة درتها فمقلة مع شوية زيت لعود وريقات
موسى مين ذبالت ضفت ليها قطع الدجاج ربيع مقطع ملح ابزار سكين جبير
شوية التحميرة خرقوم زعفران فص ثوم محكوك نخلط لكل نغطي عليه حتى
يطيب ثم نضيف زيتون مقطع من بعد ما يبرد الخليط نطلق لكرة اللي صغيرة
شوية نضع لعمارة لوسط فوقها 4 مربعات فروماج سندويش ثم ندهن جوانب
الرغيفة بالزبدة مخلطة مع الزيت ثم نرش بدقيق القمح ونرجع عليها الجوانب
كيفما موضح فالصورة
ثم نبسط الكرة الثانية ندهنها بشوية الزبدة مع الزيت نرش بدقيق القمح نضع
فالوسط رغيفة لمعمرة ثم نرجع الجوانب
نوضعوها فطاوة مدهونة بالزبدة نخليوها ترتاح شوية باش دغيا تتطلق لينا من
بعد نبسطوها نغطيو عليها بلبلاستيك لغذائي مدة نص ساعة ندخلوها لفران
يكون سخون من قبل نقصو شوية لعافية باش طيب على خاطرها مين طيب
نحك فوقها فرماج احمر
Aucun commentaire:
Enregistrer un commentaire