السلام عليكم ورحمة الله تعالى و بركاته
بالنسبة للعمارة نشلظو بصلة نوضعوها فمقلاة فوق النار مع
وريقات موسى شوية زيت لعود مين تذبال نضيف ليها فلفلة
خضرا مقطعة مربعات شوية ملح ابزارربيع مقطع معلقة مطيشة
لحك نغطي على لكل
مين يطيب الخليط نضيف ليه زيتون مقطع كاشير محكوك طون
بالنسبة للعجين نحتاج فورص دقيق القمح (فينو) نفس لقياس
شوية ملح خميرة الماء دافي للعجين نعجنوها مزيان ندير من
العجين كرات ندهنهم من وجهه بشوية زيت لعود نوضعوهم
فبلاطو مفرش بلبلاستيك الغذائي و نغطي عليهم يرتاحو
مين يرتاحو نطلق لكرة الاولى بين 2 بلاستيكات بلا مندهنها
بالزيت باش مين نبغي نجمعها دغيا تجمع متحلش نضع
وسطها معلقة من لعمارة نكونو وجدناها قبل وبردات الى كانت
سخونة غادا تقطع لينا لعجينة
نجمع جوانب العجين
نحط لكرة فلبلاطو نفس الطريقة لباقي لكرات من بعد نبدا بلكرة
الاولى بعد ما تكون طلقات شوية نكرصوها بشوية زيت لعود
نوضعوها فلبلاطو و نفس الطريقة للباقيين نغطي عليهم حتى
يخمرو
نخبزهم فمقلاة تكون سخونة من قبل نقصو عليهم لعافية حتى
يتحمرو من 2 جهات
ثم نقدمهم فطبق
بالصحة و الراحة
Aucun commentaire:
Enregistrer un commentaire