mercredi 6 mars 2013

كلمار معمر بالروز


السلام عليكم و رحمة الله تعالى و بركاته

لتحضير لعمارة فمقلاة نوضعو بصلة مشلظة ورقات موسى 

شوية زيت لعود نديروها فوق العافية حتى تذبال من بعد نصيف 

ليها ريوس لكلمار مقطعين
ثم نضيف ليهم قرعة خضرا محكوكة فلفلة مقطعة مربعات صغار 

ربيع مقطع ثومة محكوكة معلقة مطيشة لحك سكين جبير ملح 

كمون خرقوم شوية تحميرة شوية عطرية لكفتة نغطي على 

الكل


مين يطيب لخليط نضيف ليه الروز كلاصي مصلوق
ثم نضيف الزيتون مقطع و الحامض مصير مقطع رقيق
لتحضير صوص مطيشة فمقلاة او كاسرول نحكو مطيشة مع 

الثوم نضيف الربيع مقطع كمون تحميرة زيت لعود ملح نغطي 

عليهم نوضعوهم فوق النار حتى تعقاد
ناحدو مول اللي تيدخل لفرن نوضعو فيه صوص مطيشة نعمرو 

لكلمار بالحشو نسدوه بلكيردن او لعمارة الللي بقات ليا عمرت 

بيها فلفلة بعد ما قسمتها على 2
ندخلهم لفرن مين يطيبو نحك فوق لفلفلة فروماج محكوك
ثم نقدمهم فطبق نزينهم بشرائح الحامض و الزيتون الاسود
بالصحة و الراحة

2 commentaires:

  1. chhal d lwa9t itib et merci bzaf wasafat dyalk raya fi raw3a ra9yin w f motanawal ljami3 chikrra bzaf

    RépondreSupprimer
  2. مدة نص ساعة هاكاك بالصحة و الراحة اختي شكرا نورتي موقعي

    RépondreSupprimer