السلام عليكم و رحمة الله تعالى و بركاته
لتحضير قطبان بهبرة الحوت نحتاج هبرة الحوت الابيض مقطعة
مربعات نضيف ليها نص بصلة مشلظة ربيع مقطع نص معلقة
موطارد شوية قزبر حبوب مطحون ملح ابزار تحميرة سكين جبير
كمون شوية عطرية لكفتة ابزار خرقوم القليل من عصير
الحامض
نخلط الكل مزيان نخليه يرقد فشرمولة 3 او 4 ساعات
من بعد درت لقياس فكل قطيب حكيت عليهم شحمة الجمل
باش دغيا يطيبو الى ماكانتش متوفرة عندكم استعملو شحمة
الغنمي او البقري
من بعد خديت طوماط سوريز وقطعت فلفلة خضرا مربعات
درتهم فقطيب وقطعت بصلة دوائر مين بغيت نشويهم حكيت
فوقهم شوية الشحمة باش ميتحرقوش ويطيبو مزيان
فطبق نفرش المعدنوس ثم نضع قطبان السمك مع مطيشة
ولفلفلة و لبصلة نرش فوقهم شوية الملح و لكمون نزين الطبق
بشرائح الحامض و الزيتون اخضر و اسود ويقدم
بالصحة و الراحة
Aucun commentaire:
Enregistrer un commentaire