mercredi 13 mars 2013

حلوى جذع شجرة بجينواز منمرة

السلام عليكم ورحمة الله تعالى و بركاته
المقادير نحتاج 3 بيضات كاس سنيدة كاس فورص ربع كاس زيت ساشي فاني معلقة صغيرة خميرة لحلوى


طريقة تحضير الجنواز كيفما عودتكم عليها ديما نطرب ابيض البيض مع نص كمية سنيدة وساشي فاني حتى يولي بحال الثلج نحتفظ به على جنب فايناء نطرب اصفر البيض مع سنيدة اللي بقات لينا زيت وفي الاخير خمارة مع الدقيق مين يتخلط لكل نضيف ابيض البيض نحرك بملعقة خشبية من الاسفل الاعلى 


 نقسم الخليط على 2 النصف الاول نضيف ليه كاكاو و الثاني ابيض 
 فطاوة مفرشة بورق سولفغيزي ناخد معلقة من الخليط الابيض نضع وسطها معلقة من الخليط البني كيفما موضح فالصورة وفي المرة الثانية نعمل العكس معلقة من الخليط البني وسطه معلقة من الخليط الابيض

  نعمل بلكيردن شكل وريدات  ندخلوها لفرن يكون سخون من قبل 
 هذا شكلها مين طابت
 نبللو منديل نعصروه مزيان نرشو من فوقو شوية سنيدة باش متلصقش لينا لجينواز ونقلبوها فوقو 
 ثم نلوي لمنديل على لجنواز 

 من بعد ما تبرد ندهنوها بياغورت مخلط مع الشكلاط الاسود مذوب نضيفو ليهم شوية شكلاط اسود محكوك
نلويها وندهنها بالنصف المتبقي (ياغورت ;الشكلاط ) نرشها بفرمسيل اسود ونقطعها من الجانب  كيفما موضح فالصورة 
نضع المثلثات فوق الرولي كيفما موضح فالصورة 
 ونزينها على هذا الشكل 
بالصحة و الراحة

2 commentaires:

  1. روعة اختي ام دعاء تبارك الله عليك
    اختك سمسمة

    RépondreSupprimer
  2. الله يبارك فيك اختي
    هذا شرف ليا تزوريني فمدونتي مرحبا

    RépondreSupprimer