mercredi 6 mars 2013

سمك فالفرن محشو بلفروماج و لقرع الاخضر


السلام عليكم و رحمة الله تعالى و بركاته


ناخدو بصلة مشلظة نوضعوها فلمقلة مع شوية زيت لعود 

وريقات موسى مين تذبال نضيف ليها كرعة خضرا محكوكة 

شوية كمون زعتر فص ثوم محوك ابزا ملح من يطيبو نحيدهم 

من فوق النار نضيف ليهم شوية حامض مصير زيتون مقطع 2

فروماجات نفتح الاسماك من ظهرهم نحيد ليهم السلسول 

ندهنهم كاملين بلكريمة اللي فيها ثوم محكوك مخلط مع شوية 

موطارد و عصير الحامض شوية ضامة الحوت
نعمرو الاسماك نديروهم فمول مدهون بالزبدة نرشهم من فوق 

بشوية زعتر نغطيهم بورق الالمنيوم ندخلهم الفرن

مين يطيبو
نوجدو صوص مطيشة محكوكة مع شوية زيت لعود تحميرة ملح زعتر ابزار شوية سنيدة
مين طيب لينا نضيف ليها معلقة كبيرة صلصة لكيتشب
فطبق نحطو السمك و فجنابو دوائر الخيار شوية صوص طوماط نرش من فوق باللوز ايفيلي
يقدم بالصحة و الراحة

2 commentaires:

  1. SVP KIFACH NçADRO NèAYDO SELSOUL DIAL LHOUT OHOWA KHDAR MERCCCCCCCCCCCCCCCCCCCCI

    RépondreSupprimer
  2. السلام عليكم اختي مين تبغي تحيدي لحوت السلسول حاولي تفتحيه من ظهرو باش يجي فلعمارة احسن ويكون موس ماضي وتحاولي غي بشوية تحيدي السلسول على لهبرة فالاخير عاوني فالمقص الى كان الشوك قاصح نتمنى نكون فدتك اختي مرحبا ان شاء الله نحط ليك الطريقة

    RépondreSupprimer