السلام عليكم ورحمة الله تعالى وبركاته
اولا ناخد اللحم نوضعوه فطاجين نضيف ليه بصلة مقطعة مربعات
شوية زيت لعود نوضعوهم فوق نار مهيلة
من بعد ما يتقلي اللحم مزيان نضيف جوانبه خيزو دوائر نكونو ضفنا
ليه شوية شرمولة اللي فيها ربيع ثوم مدقوقين شوية كمون
ملح تحميرة ابزار سكين جبير خرقوم شوية زعفران شوية زيت لعود
فوق خيزو نضع دوائر بطاطا حتا هي مخلطة بشوية شرمولة
ثم دوائر لفلفلة مخلطة بشرمولة نضيف شوية لما نغطي الطاجين
نخليو لخضرة طيب على نار مهيلة
من بعد ساعة اللا ربع نضيف دوائر مطيشة نوضعو فوقها شوية
شرمولة حيت دغيا تطيب وباش لما ديالها ميقصحش لخضرة فالاول
مين طيب لخضرة نزينها من فوق بالزيتون الاحمر ويقدم
Aucun commentaire:
Enregistrer un commentaire