طارطات صغار بالفواكه

السلام عليكم ورحمة الله تعالى و بركاته

اولا ناخدو قصعة نوضعو فيها رابعة فورص نص رابعة زبدة 

مقطعة طريفات 2 معالق كبار سكر كلاصي شوية الملح بيضة 

قشور ليمونة محكوكةنخلطو فالاول الفورص مع زبدة نزيد باقي 

المقادير نخليو البيضة هي الاخيرة الى متجمعاتش لعجينة 

نزيدو ليها شوية الماء نكوروها نديروها فالبلاستيك الغذائي 

ندخلوها للثلاجة مدة ثلث ساعة

من بعد نطلقوها بين 2 بلاستيكات باش متلصقش

او نبداو نغلفو المول ديالنا

نتكوهم بلفورشيط ندخلوهم يطيبو غير يصفارو نخرجوهم من 

لفران

نوجدو لكريم باتسيير معلقة كبير سنيدة 2 صفار البيض معلقة 

كبيرة النشا او فورص فاني كاس كبير حليب نعمل الحليب 

يغلي مع فاني فايناء نطرب البيض سنيدة قشور ليمونة مايزينا 

مين يغلي الحليب نبدا نضيفو للبيض شوية بشوية مع التطراب 

ثم نوليو رجعو الخليط فكاسرونة فوق النار مع التحراك حتى 

يعقاد نخليوها تبرد او يمكن لينا نعمروهم بكريمة الليمون كاس 

كبير ليمون مع معلقة النشا سنيدة حسب الدوق نوضعو لكل 

فكاسرونة فوق النار مع التحراك حتى يعقاد الخليط مين يبرد 

نعمر بيه الطارطات وزين بالفواكه المتوفرة فالبيت زينتهم بلبنان 

كيوي فريز اجاص ندهنهم من فوق بالناباج ثم نقدمهم فطبق

هادو كان سبق ليا وجدتهم بطريقة مختلفة لعمارة درت فيها 2 

خوخات مقشرين مقطعين مربعات نديروهم فكاسرونة فوق 

النار مع 3 معالق صغار سنيدة كاس ليمون فاني نخليوهم حتى 

يطيب الخوخ ويعقاد مين يبرد نضيفه لكريم باتسيير نعمر بيه 

العجين المرمل و نزينوه بالفواكه المتوفرة انا زينتهم بقطع 

الخوخ بنان عنب للمعان ندهنهم بناباج ندخلوهم للثلاجة يبردو 

شوية ثم نقدمهم

بالصحة و الراحة