طارطات صغار بالتفاح ولكريم باتسيير

السلام عليكم ورحمة الله تعالى و بركاته

لتحضير طارطات بلكريم باتسيير وشرائح التفاح نحتاج العجين 

المرمل رابعة فورص نص رابعة زبدة مقطعة طريفات 2 معالق 

كبار سكر كلاصي شوية الملح بيضة نخلطو فالاول الفورص مع 

زبدة نزيد باقي المقادير نخليو البيضة هي الاخيرة الى 

متجمعاتش لعجينة نزيدو ليها شوية الماء نكوروها نديروها 

فالبلاستيك الغذائي ندخلوها للثلاجة مدة ثلث ساعة من بعد 

نجبدوها نطلقوها بين 2 بلاستيكات باش متلصقش فطابلة او 

نبداو نغلفو المول ديالنا نتكوهم بلفورشيط ندخلوهم يطيبو غير 

يصفارو نخرجوهم من لفران نوجدو لكريم باتسيير نوضعوه على 

جنب يبرد نحضرو كومبوت التفاح : 2 تفاحات نقشروهم 

نقطعوهم مربعات نديروهم فكاسرونة فوق النار مع 3 معالق 

صغار سنيدة كاس الماء فاني نخليوهم حتى يطيبالتفاح ويعقاد 

مين يبرد نضيفه لكريم باتسيير نعمر بيه العجين المرمل و نزينوه 

بشرائح التفاح ندخلو الطارطات للفرن يتحمر شوية التفاح 

نخرجوهم نغبرهم من فوق بالسكر الصقيل ثم نقدمهم فطبق 

بالصحة و الراحة