طارطة راس السنة

السلام عليكم ورحمة الله تعالى وبركاته

حاجتنا 2 جنوازات مقطعين باطار مربع
استعملت نفس الجنوازالبيضاء الموجودة في هذا الرابط://oumdouae.blogspot.com/2013/03/blog-post_9774.html

 نوضعو الخليط فمول مربع مغلف بورق المطبخ ندخلوها للفرن يكون سخون من قبل نقصو العافية 

مين طيب الجنواز وتبرد مزيان نقطعوها باطار مربع نفس العملية للجنواز 2

 نطربو كريم فريش نضيفو ليه الشكلاط مذوب فحمام مريم (يكون دافي) مع 2 وراق الجيلاتين يكونو مرطبين قبل فالماء بارد ومعصورين( 20 مربع الشكلاط الاسود) نطربو الكل مزيان

 نضيفو ليهم 2 معالق كبار كاوبيل من الاحسن الى كان الكاكاو( حسب المتوفر فالبيت )

 ثم نضيفو للكريمة 2 قطعات شكلاط ماروخا مقطعة رقيقة مع حبيبات الشكلاط المقرمشة( حسب الرغبة)

 نوضعو الجنوازفاطار نسقيوها بالسيرو ( نص كاس الماء +نص كاس سنيدة +معلقة كونفتير الجاري +عصير نص حامضة نوضعوهم فوق النار حتى يغليو)

 نقسم الكريمة على 2 نوضعو النصف الاول كطبقة اولى فوق الجنواز

 نوضعو القطعة الثانية الجنواز نسقيها بالسيرو 

 ثم نوضعو فوقها لكريمة المتبقية نقسم وسط الطارط بورق المطبخ ندخلوها للمجمد ربع ساعة

 نذوبو 12 مربع الشكلاط الاسود على طريقة حمام مريم مع قطيرة الزيت ثم نضيفو ليه معلقة كبيرة الناباج + ورقة الجيلاتين تكون مرطبة قبل فالماء البارد ومعصورة ونحركو الكل مزيان حتى تندمج العناصر بيناتها مين يدفا الشكلاط نوضعوه فجيب من ورق المطبخ ونبداو نغطيو نصف الطارطة بهاد الطريقة تتسهال العملية 

 والنصف الثاني ندهنوه من فوق بلكريم فريش ندخلو الطارطة للمجمد مدة ربع ساعة 

 من بعد نزولو الاطار ندوزو فجوانب الطارط لكريم فريش و نزولو كذلك ورق المطبخ اللي كنا فرقنا بيه فالوسط

 ثم تزين حسن الرغبة انا استعملت فالتزيين برقوق كيوي فريزو في الجوانب شكلاط محكوك مخلط مع فرمسيل وانتم لكم الاختيار

 هذا شكلها من الداخل 

بصحتكم او راحتكم 
وسنة سعيدة باش ما تمنيتو فحياتكم ان شاء الله