mardi 28 janvier 2014

كيفية تحضير بيتزا بسمك الكلمار

السلام عليكم ورحمة الله تعالى وبركاته
 بالنسبة للعجين حاجتنا دقيق القمح + لفورص لقياس الكافي شوية خميرة الخبز +ملح +زعتر الماء دافي لجمع العجين ندلكوها مزيان ونبداو نكبو زيت لعود شوية بشوية نرخفو بيه العجينة تقريبا ربع كاس صغير مين ترطاب مزيان نغطيوها نخليوها ترتاح 
 من بعد ندهنو يدينا بشوية زيت لعود ونكرصوها حتى ترقاق 
 نرشو طاوة بالسميد نوضعو فيها العجين نتكوها بلفورشيط ندخلوها للفرن طيب نص طيبة
 هذا شكلها مين طابت
 فمقلاة نشلظو بصلة مع وريقات موسى شوية زيت لعود+ ملح +ابزارنغطيو عليها حتى تذبال و نضيفو ليها رجيلات لكلمار مقطعين نغطي على الكل حتى يطيبو 
 ناخدو دوائر لكلمار نوضعوهم فمقلاة فوق النار نضيفو ليهم معلقة كبيرة زبدة شوية زيت لعود شوية ملح ابزار زعتر محكوك مع التحراك لمدة 5 حتى 7 دقايق نزولوهم من فوق النار
 ندهنو لبيتزا بصلصة الطماطم (مطيشة محكوكة مصفية من زريعة شوية زيت لعود+ معلقة صغيرة مطيشة لحك +معلقة صغيرة لكيتشب شوية ملح+ ابزار+ زعتر ) نوضعو فوقها خليط البصل فوقهم فلفلة خضرة مقطعة مربعات صغار ثم دوائر الكلمار ندخلو الطاوة للفرن 
 مين طيب نحكو فوقها لفروماج احمر نوليو نرجعوها للفرن غي يذوب لفروماج نخرجوها
 وتقدم
بصحتكم او راحتكم

2 commentaires:

  1. macha2 lah 3lik ghzala tbarkellah.Lah ya3tik sa7a. c hanane

    RépondreSupprimer
  2. ربي يخليك اختي حنان بالصحة و الراحة

    RépondreSupprimer