صابلي شكل شوصون صغير بالشوكولا وصابلي الهرم

السلام عليكم ورحمة الله تعالى وبركاته

حاجتنا رابعة الزبدة مارغرين 2 بيضات 2 كيسان عنبة سنيدة خمارة الدقيق حسب الخليط
هاد المقادير خدمت بيهم الاشكال ب 2 الى بغيتو كمية اكثر ضاعفو المقادير 

نخلطو الزبدة مع سنيدة و البيض ثم نضيف فالاخير الخمارة مع الدقيق شوية بشوية 

حتى يتجمع العجين

نقسم العجين على 2 
الشكل الاول نطلقو العجين بين 2 بلاستيكات يقطع بالمرشم دوائر نوضعو فكل دائرة حبة لوز مفسخ منشف ومحمر فالفران 

نطوي الدائرة على 2 شكل شوصون صغير

ندوزو بالجرارة لتتبيت العجين

نفس الطريقة حتى نكملو العجين ديالنا نستفو الصابلي فطاوة مغلفة بورق المطبخ او مدهونة بالزبدة مرشوشة بالدقيق 
ندخلوه للفرن يكون سخون من قبل نقصو عليه لعافية 

هذا شكلو مين طاب

نغمسوه فالشكلاط اسود مذاب على طريقة حمام مريم مع قطيرات الزيت نستفوه فبلاطو مفرش ببلاستيكة باش مين يجمد الشكلاط يسهال علينا نزولوه من البلاستيك بسهولة مين يجمد الشكلاط الاسود نوضعو من فوق خطيطات بالشكلاط الابيض
ونقدمه

الشكل الثاني شكل الهرم
 نقسمو العجين المتبقي على 2 نصف خليتو ابيض و النصف 2 ضفت ليه شوية كاكاو مع الشكلاط مقطع رقيق 

نطلقو العجين الابيض بين 2 بلاستيكات او فوق سطح مرشوش بالدقيق يقطع بمرشم مثلث

نستفو صابلي فطاوة مغلفة بورق المطبخ

نفس الطريقة العجين الابيض غي مين طلقت العجين شرطتها من فوق بالطول و العرض بلموس عاد قطعهتا بالمرشم 
ندخلوها للفرن

هنا شكل صابلي مين طاب 

فالتزيين نلاصقو مثلث ابيض مع مثلث بني بلكونفتير الجاري نغمسوحتى الجوانب النصف فندتو فلفرمسيل شكلاط و النصف الثاني فلكوك 
ونقدمه

نتمنى الاشكال تنال اعجابكم بصحتكم او راحتكم