السلام عليكم ورحمة الله تعالى وبركاته
مقادير الجنواز غادين نحتاجو 3 بيضات معلقة كبيرة عصير الحامض كاس سنيدة كاس لفورص قبيصة الملح وقشور حامضة محكوكة
نفصل بياض البيض على الاصفر
نطربوه مع نص كاس سنيدة حتى يولي بحال الثلج
نطربو اصفر البيض مع باقي المقادير نضيف في الاخير الدقيق شوية بشوية
ثم نضيف في الاخير ابيض البيض نحرك بمعلقة خشبية من الاسفل للاعلى
حتى يتخلط الكل
نوضعو الخليط فطاوة مغلفة بورق المطبخ ندخلوها للفرن
هذا شكل الجنواز مين وجد
لتحضير كريمة الحامض
غادين نحتاجو عصير 2 حامضات نصف كاس سكر الصقيل ربع كاس الماء معلقة كبيرة زبدة معلقة صغيرة فورص او مايزينا اصفر بيضة
نوضعو الكل فكاسرول ونحركوه مزيان
عاد نوضعو لكاسرول فوق نار مهيلة مع التحراك حتى يعقاد الخليط
نقسم الجنواز على 2
نسقي النصف الاول بالسيرو (نص كاس الماء نص كاس سنيدة عصير نص حامضة نوضعوهم فوق النار حتى يغليو )
نطربو لكريم فريش نضيف ليها معلقة كبيرة من كريمة الحامض معلقىة صغيرة روح الحامض نخلط الكل
نوضعو الكريمة فوق الجنواز
ثم نوضعو الطبقة 2 الجنواز نفس الطريقة نسقيها
و نغطي الجنواز بالكامل بالكريمة ندخلوها للمجمد ربع ساعة
ثم نقطعها لطارطات صغارنزينهم من الجوانب بوريدات الكريم فريش نوضعو كريمة الحامض فجيب حلواني ونعمرو وسط لاطارط
نزينهم من فوق بالشكلاط محكوك
ونقدمهم على هذا الشكل
بالصحة و الراحة
نطربوه مع نص كاس سنيدة حتى يولي بحال الثلج
غادين نحتاجو عصير 2 حامضات نصف كاس سكر الصقيل ربع كاس الماء معلقة كبيرة زبدة معلقة صغيرة فورص او مايزينا اصفر بيضة
Aucun commentaire:
Enregistrer un commentaire