jeudi 3 octobre 2013

شكيلات سهلة بعجين الثمر

السلام عليكم ورحمة الله تعالى وبركاته
حاجتنا نص رابعة زبدة ياغورت صغير بنكهة لفريز 2 معالق السكر الصقيل الدقيق حسب الخليط
نخدمو الزبدة مع السكر الصقيل و الياغورت ونبداو نضيفو الدقيق شوية بشوية 
حتى تجمع العجينة 
هنا قسمتها على 2 لونت النصف بلبيسطاش و النصف بالوردي 
نطلقو العجين بين 2 بلاستيكات 
نوضعو يدينا فماء الزهرنحربلوعجين الثمرنوضعوه وسط العجين (هنا فورت كيلوالثمر نقيتو حيدتليه لعضومة معكتو مزيان ضفت ليه شوية قرفة شوية الزنجلان محمر شوية النافع حبة حلاوة محمرين ومطحونين يمكن ليكم تستعملو معجون الثمر الجاهز)
نلوي عليه العجين ونقادوه بيدنا كيف موضح فالصورة ويقطع بشكل مائل
نقشو الحلوى بلمنقاش 
نفس الطريقة باللون الاخضر
ندخلوهم لفرن مين يطيبو نفندوهم فالسكر الصقيل و نقدمهم 
الشكل الثاني 
استعملت نفس المقادير فالشكل الاول بالنسبة للياغورت استعملت نكهة لفاني و خليت العجينة بيضاء مين نلوي العجين على الثمر نقطعها بهاد القطاع بطاطا 

مين طيب نفندوها فالسكر الصقيل و نوضعوها فكويغطات وتقدم
بصحتكم او راحتكم 

11 commentaires:

  1. sala
    m akhti allah ye3tik assaha
    samhi liya radi nsede3ek bi lasila : 3afak wach kilo temer benessba lil achkale bjouj
    w 3afak al makadir il defti m3a temer momkine tgouli liya chhal bedebet allah yejazik bikhir w samhi liya

    RépondreSupprimer
  2. Ce commentaire a été supprimé par l'auteur.

    RépondreSupprimer
  3. وعليكم السلام اختي بالنسبة للثمر استعملت كيلو فالاشكال بجوج الى بغيتي تستعملي غي شكل 1 ديري نصف كيلو ولقرفة ديري راس معلقة صغيرة نص معلقة صغيرة حبة حلاوة و النافع مطحونين الى ماكانوش بلا مديريهم على حسب معلقة كبيرة اللزنجلان محمر الى بغيتي ديري اللوز مفسخ محمر فلفران ومهرمش كل واحد حسب الرغبة الى حتاجيتي شي حاجة مرحبا

    RépondreSupprimer
  4. merci a khti bezzaf w lahla yekhtik
    allah ye3tik kol matmniti

    RépondreSupprimer
  5. 3afak wach zebda momkine nsste3mel allada
    merci w samhi liya

    RépondreSupprimer
  6. عافاك ورينا القطاعة باش قطعتي الشكل 2

    RépondreSupprimer
  7. jawbina allah yekhlik et merci

    RépondreSupprimer
  8. السلام عليكم اختي يمكن ليك تستعملي زبدة لذة وراني حطيت ليك باش قطعت الشكل 2
    بالصحة و الراحة

    RépondreSupprimer
  9. merci akhti allah yejazik bikhir w samhi liya 3la teberzit

    RépondreSupprimer
  10. اختي الله يجازيك كل خير على المجهود الي كادير باش توصل لينا وصفات رائعة وانا من المعجبين بالصفحة ديالك

    RépondreSupprimer
  11. بصحتكم او راحتكم شكرا اسعدني مروركم

    RépondreSupprimer