سفة الروز بطريقة سهلة
السلام عليكم ورحمة الله تعالى وبركاته
حاجتنا روز كلاصي ناخدو لقياس الكافي نصلقوه نص صلقة من بعد نديروه يتسقطر
ثم نضيفو ليه معلقة كبيرة الزبدة شوية الملح نفكوه بيدينا
نوضعو شوية الزبيب فلكسكاس نكونو مرطبينو قبل فالماء
نوضعو فوقو الروز يفور يكمل طيابو
عند التقديم نزينه باللوز نرش من فوق شوية قرفة مع السكر الصقيل
بالصحة و الراحة
او نزينوه بالتفاية
ناخدو طريفات اللحم نوضعوهم فكوكوط نضيف ليهم بصلة مربعات ثومة محكوكة ربيع شوية ملح تحميرة زعفران ابزار سكين جبير خرقوم ربع كاس الزيت
نوضعو الكل فوق النار(يتقلى)
مين يتقلى نضيف كاس الماء بصلة كبيرة شرائح شوية الزبيب نسد عليهم لكوكوط
مين طيب لبصلة نضيفو 2 معالق العسل شوية القرفة نخليوه فوق النار حتى تعسل المرقة و تختار
ونقدم الروز على هاد الشكل
بالصحة و الراحة
Aucun commentaire:
Enregistrer un commentaire