خبيزات بحشوة مالحة

السلام عليكم ورحمة الله تعالى وبركاته

 حاجتنا كاس ونصف عنبة دقيق لفورص نصف كاس دقيق القمح  الى بغيتو كمية كثيرة ضاعفو المقادير شوية زعتر شوية ملح ابزار معلقة صغيرة موطارد معلقة صغيرة زيت الزيتون شوية الخميرة مذوبة فالحليب الدافي 

 نجمع العجين بالحليب الدافي ندلكوها مزيان حتى ترطاب 

 ندهنو العجين بشوية زيت لعود نغطيو عليها نصف ساعة ترتاح 

 من بعد نشكلوها كراة و الكرة الصغيرة نحتفظو بها على جنب للتزيين نغطيو عليهم ربع ساعة يرتاحو

 من بعد نبسط الكرة الاولى نوضعو وسطها الحشو حسب الرغبة ثم لفروماج احمر 
استعملت نفس الحشو الموجود في هاد الرابط لوصفة بيتزا كلزون http://oumdouae.blogspot.com/2013/07/pizza-calzone.html

 ثم نسد الكرة 
نفس الطريقة لباقي الكراة

 الكرة الصغيرة نطلقوها بمدلك بين 2 بلاستيكات نقطعوها بمرشم حسب الرغبة

 نوضعو الكراة فطاوة مرشوشة بدقيق القمح نبسطوهم شوية بيدينا نلصقو فوقهم لوريدات نوضعو وسط كل  وريدة حبة قرنفل نغطيو عليهم يخمرو 

 من بعد ندهنوهم باصفر البيض مخلط مع شوية نيسكافي نرش من فوق شوية الزنجلان او السانوج حسب الرغبة ندخلوهم لفرن

ثم نقدمهم 

بالصحة و الراحة