طبق الروز بالقرعة الحمراء مزين بكويراة سمك السردين

السلام عليكم ورحمة الله تعالى وبركاته

 فكوكوط نحكو 2 مطيشات بصلة نضيفوليهم ربيع مقطع طريف قرعة حمرا مقطع مربعات وريقات موسى قبيصة لملح ابزار كمون سكين جبير تحميرة زعفران معلقة كبيرة مطيشة لحك 2 فصوص الثوم محكوكين نص كاس صغير زيت المائدة نوضعو لكوكوط فوق النار

 من بعد نضيف ليهم  2 كيسان الماء ضامة لبنة لحوت كاس الروز نسد عليهم لكوكوط مين تبدا تصفر نحسب  10 دقايق نطفي عليه لعافية و نخلي لكوكوط مسدودة مدة ربع ساعة عاد نفتحو عليه

 لتحضير كويرات بسمك السردين 
ناخدو السردين نقيوه نحيدو ليه سلسول نمعكوه بيدينا من بعد نضيف ليه شوية الروز مصلوق ربيع مقطع شوية الملح ابزار تحميرة كمون عصير نص حامضة صغيرة معصرة نخلط  الكل نشكلو منو كراة 

 فمقلاة نوضعو شوية زيت لعود نوضعو كراة السردين نغطيو عليهم على نار هادئة مرة مرة نقلبوهم حتى يطيبو 

مين يطيب الروز نوضعوه فطبق نوضعو فوقو كويراة السردين نرش من فوق شوية المعدنوس
ثم يقدم

بالصحة و الراحة