كيك رولي بتقديم مختلف

السلام عليكم ورحمة الله تعالى وبركاته

 بالنسبة الجنواز استعملت نفس مقادير الجنواز البيضاء الموجودة  على هذا الرابط http://oumdouae.blogspot.com/2013/03/blog-post_9774.html
مين نخرجوها من لفران مباشرة نقلبوها فوق سربيتة فازكة ومعصرة مرشوش فوق منها شوية سنيدة باش متلصقش لينا  نلويو عليها السربيتة حتى تبرد شوية

لتحضير كريمة البرتقال
 فكاسرول نوضعو كاس عنبة عصير البرتقال بيضة معلقة كبيرة ونص سنيدة نص معيلقة فاني معلقة صغيرة الزيت قشور ليمون محكوكين معلقة كبيرة مايزينا 

 نخلط الكل مزيان نوضعوه فوق النار مع التحراك حتى يعقاد

 من بعد ما تبرد الجنوازنطلقوها و نقسموها على 2 نسقيوها  بالسيرو( نصف كاس عصير البرتقال سنيدة حسب الذوق معيلقة الكونفتير الجاري نوضعوه فوق النار حتى يغلي )

النصف ندهنوه بكريمة البرتقال و النصف الثاني بلكريم فريش من بعد ما طربناها 

ثم نلوي كل واحد

 نغطي الاول بكريمة البرتقال 

 والتاني بلكريم فريش نوضعو فالجوانب اللوز مهرمش نقطعوهم طريفات 

التزيين حسب الرغبة 
هادو بكريمة البرتقال زينتهم بفرمسيل ملون و اللوز ايفيلي 

هادو بلكريم فريش زينتهم بلكريمة شكل وريدات وضعت طريف الكركاع لوسط مع لفواكه معسلة 

هذا شكلهم النهائي

بالصحة و الراحة