السلام عليكم ورحمة الله تعالى وبركاته
حاجتنا زلافة لفورص ربع زلافة دقيق القمح معلقة الزبدة معلقة صغيرة لخل معلقة كبيرة سنيدة شوية الملح خميرة لخبز مذوبة فشوية لحليب نعجن العجين بالحليب الدافي ندلكوها مزيان حتى ترطاب
نشكل العجين ل 6 كراة ندهنوهم بشوية الزيت نوضعوهم فبلاطو نغطيو عليهم يرتاحو مزيان
نطلق الكرة الاولى نرشها من فوق بشوية الزبدة مخلطة مع الزيت نرش من فوق ببودرة اللوز(نحمر اللوز فلفران نطحنوه بقشورو مع نصف كمية سكر كلاصي ساشي فاني )
ثم نطلقو الكرة الثانية نوضعوها فوق الاولى نفس الطريقة نرشوها بشوية الزبدة مخلطة مع الزيت نرش من فوق بودرة اللوز نفس الطريقة لباقي الكراة
نقطع بلموس شكل + ثم شكل في وكل مثلث نفلحوه من وسط كيفما موضح فالصورة
نقلب كل مثلث حتى نحصلو على هاد الشكل
نوضعوهم فمول مدهون بالزبدة ومرشوش بالدقيق نحاولو نجمعو العجين ونقادو براس لموس حتى نحصلو على شكل وردة نغطيو عليها تخمر
من بعد ندهنوها باصفر البيض مخلط مع نيسكافي وقطيرات الخل ندخلوها لفران يكون سخون من قبل على درجة حرارة معتدلة
مين طيب ندهنوها بالناباج او لكونفتير الجاري
يمكن لينا نعمرو الوسط بالمكسرات وتقدم
هذا شكلها ن الداخل
بالصحة و الراحة
Aucun commentaire:
Enregistrer un commentaire