سلطة رولي بشكل راقي

السلام عليكم ورحمة الله تعالى وبركاته

حاجتنا 4 بطاطات مصلوقين ومطحونين او ممعوسين بلفورشيط نضيف ليهم 2 فروماجات شوية ملح ابزار كمون شوية خل شوية الزيت

 نخلط الكل 

 الحشوة يمكن استعمال اي خضر حسب الرغبة 

 استعملت روز كلاصي مصلوق جلبانة  خيزو وبطاطا( مصلوقين )  مقطعين مربعات صغار زيتون مقطع طون شوية ملح ابزار شوية خل شوية زيت معلقة كبيرة مايونيز

 ناخد بلاستيك غذائي ندهنوه بشوية الزيت نطلقو فوقو بطاطا بالمدلك او باليد 

 نضع الحشو 

 ثم نلفها 

 نجمع الجوانب كيف موضح فالصورة

 نجمع عليها البلاستيك الغذائي ندخلوها للثلاجة تشد راسها 

 ثم نضعها فطبق وتزين حسب الرغبة

بالصحة و الراحة