jeudi 23 mai 2013

دسير بلمشماش

السلام عليكم ورحمة الله تعالى وبركاته
 حاجتنا تقريبا رابعة المشماش محيد ليه لعظم مقسوم على 2  ربع كاس عصير البرتقال 2 معالق كبار عصير الحامض 2 معالق كبار سنيدة نوضعو الكل فكاسرول فوق النار على نار مهيلة
 مين يعقاد نوضعوه على جنب
 ثم نحضرو الكريمة الثانية 
3 كيسان عنبة حليب 2 معالق كبار سنيدة معلقة كبيرة كريم باتيسيير معلقة كبيرة مايزينا نوضعو الكل فكاسرول فوق النار حتى يعقاد
 هذا شكلهم مين وجدو
 ثم نضيف كولي المشماش للكريمة اللي وجدنا 
 نخلطوهم مزيان
 نوزع الخليط فكؤوس الدسير ندخلوهم للثلاجة يبردو مزيان
 ثم نزينهم بلكريم فريش مع طريفات المشماش و الزبيب و نوضعو خطيطات من لكولي اللي حضرناه قبل ونقدمهم
بالصحة و الراحة

2 commentaires:

  1. salam mouna wakhamakdernach nedoukhlou l chat diyalik kanechekrouk bezzzef aala lwassafet lah yeaatek sehha bach tzidi wetzidi tkedmilina ljadid

    RépondreSupprimer
  2. بارك الله فيك اختي الهام شكرا لكلامك الطيب ان شاء الله تحل المشكلة خليتي بلاصتك نتي ونورا مرحبا بيكم فاي وقت

    RépondreSupprimer