lundi 20 mai 2013

خبز الطوست بالزيتون

السلام عليكم ورحمة الله تعالى وبركاته


ليوم جبت ليكم خبز الطوست او بان دومي اللي يمكن لينا نستعملو بيه مقبلات سندويش او ميني بيتزا سريعة نبداو على بركة الله فالمقادير :
حاجتنا نصف كيلو فورص معلقة كبيرة الزبدة معلقة كبيرة ونص زيت لعود 2 معالق كبار نيدو ( الى ماكانش نعوضوه بكاس الحليب) نص معيلقة صغيرة سنيدة شوية لملح خميرة لخبز مذوبة فشوية الماء دافي زيتون اخضر واسود مقطعين 
 نجمع لعجين بالماء الدافي ندلكوها مزيان حتى ترطاب تبدا تلصق فاليد
 من بعد نبسطوها نوضعو الزيتون الوسط 
 ثم نجمع العجين نغطي عليها ترتاح مزيان 
 فوق سطح مرشوش بمايزينا نطلق العجين 
 ثم يطوى على  3 كيفما موضح فالصورة


 ندهن مول مستطيل بالزبدة نرشه بالدقيق ثم نضع العجين الوسط نضع الثني للاسفل 
 نغطي عليه يخمر مرة ثانية من بعد نرش وجهه بالحليب ندخله فرن ساخن على درجة حرارة معتدلة
 هذا شكله مين طاب نغطي عليه بمنديل 
 من الاحسن يبات ليلة كاملة فالثلاجة باش يقصاح شوية و يتقطع دغيا حيت مين تيكون باقي سخون تيكون رطب 
 ثم يحمر على الجهتين فالالة الخاصة به او فالفرن 
 ثم يقدم
بالصحة و الراحة

Aucun commentaire:

Enregistrer un commentaire