vendredi 19 avril 2013

كرواصون بطريقة لمسمن

السلام عليكم ورحمة الله تعالى وبركاته
حاجتنا 6 كيسان عنبة فورص 2 معالق كبار الزبدة تكون رطبة كاس لحليب دافي كاس سنيدة فاني خمارة 2  بيضات شوية خميرة معجونة (حسب الجو) 


 نخلط  كل المقادير الى متجمعاتش لعجينة نضيف شوية الماء دافي ندلكوها مزيان حتى تولي رطبة 
 نقسم العجين لكراة نوضعوهم فبلاطو نغطيوهم ببلاستيكة يرتاحو مزيان
 نطلق الكرة الاولى حتى تولي رقيقة ندهنها بشوية الزيت مخلط مع الزبدة نشكلها مثل الرغيفة كيفما موضح فالصور



 نترك الرغيفات يرتاحو فبلاطو ونغطي عليهم بما سالينا جميع الكراة نبداو بالرغيفة الاولى نبسطوها شوية ندهنوها بشوية الزبدة مع الزيت
 الى كانت كبيرة نقسمها على 3 كيفما موضح فالصورة الى كانت الرغيفة الصغيرة نقسمها على 2  نضع فاول الشريط قطعة الشكلاط 
 ثم نلوي
 نضعهم فطاوة مدهونة نغطي عليهم ببلاستيكة 
مين يخمرو مزيان ندهنهم باصفر البيض مخلط مع شوية نيسكافي و شوية الخل ندخلهم لفرن يكون سخون من قبل نقصو عليهم العافية 
 ثم نقدمهم فطبق
بالصحة و الراحة

Aucun commentaire:

Enregistrer un commentaire