مسمن مورق بالجبن و الزعتر

السلام عليكم ورحمة الله تعالى وبركاته

لتحضير مسمن مورق نحتاج  لفورص + دقيق القمح لقياس الكافي شوية ملح شوية خميرة معجونة معلقة كبيرة نيدو الماء الدافي لجمع العجين نعجنوها مزيان حتى ترطاب نشكلوها كراة كل مسمنة نحتاج فيها 4 كراة صغار وحدة كبر منهم يعني 5 نوضعوهم فبلاطو مفرش بلبلاستيك الغذائي ندهنوهم بشوية الزيت نغطيو عليهم يرتاحو

 نطلق الكرة الكبيرة نرشوها بشوية زيت لعود مخلط مع الزبدة نرش من فوق بدقيق القمح او السميد 

 نطلق الكرة الثانية اللي اصغر منها حتى تولي رقيقة عاد نوضعوها وسط الكرة اللي طلقنا ندهنوها من فوق بشوية زيت لعود مع الزبدة ندهنها بشوية الجبن نرش شوية الزعتر

 نفس الطريقة الكرة 2

 ثم 3 ثم 4 ندهنوها بشوية الزيت مع الزبدة نرشوها بالسميدة ثم نفتحو الرغيفة الكبيرة من لجوانب بلموس 

 او نبداو نلمطو المسمنة كيفما موضح فالصورة

 نوضعوها فبلاطو ونغطي عليها ببلاستيكة نفس الطريقة لباقي لمسمنات 

 نبداو نطلقو لمسمنة الاولى بشوية الزبدة مع الزيت 

 نخبزوها فمقلة على 2 جهات ( تكون لمقلة  سخونة من قبل)  نقصو عليها لعافية 

 هذا شكلهم مين طابو تيجيو مورقين ولذاذ 

 هذا شكلهم من الداخل

بالصحة و الراحة